Inersimasut inuusuttunut ilinniarfiinni
Tunngaviusumik inuussutissarsiutinik ilinnialersut (EUD)agguaqatigiissillugu Ilinniarnertuunngorniarlutik aallartittunit (GU) ukioqqortunerupput, tamanna titartaganngorlugu ersersinneqarpoq.
Titartagaq 7.1. 2003-miit 2013-mut ilinnialersut agguaqatigiissillugu ukiorisartagaat
Najoqqutaq: Naatsorsueqqissaartarfik aamma http://bank.stat.gl
2013-mi inuussutissarsiutinik ilinnialersut agguaqatigiissillugu ukiup naanerani 26-nik ukioqarput, ilinniarnertuunngorniarlutik aallartissimasut agguaqatigiissillugu 20-nik ukioqartut.
2013-mi peqqissutsimut atugarissaarnermullu tunngasunik ilinniarlutik aallartittut agguaqatigiissillugu ukioqqortunerpaajupput tassa 30-it missaanik ukioqarsimammata. Paasissutissalerinermik aamma paasissutissalerinermut teknikkimut tunngasunik ilinnialertut tunngaviusumik inuussutissarsiutinik ilinnialersunit ukiukinnerpaajusimapput agguaqatigiissillugu 24-nik ukioqarsimagamik.